شيكابالا:«كنت واثق من الفوز بالدوري.. وهذا لن يحدث العام المقبل»

قال محمود عبدالرازق شيكابالا، لاعب نادي الزمالك، وقائد الفريق: كنت متأكد من الفوز بالدوري.. واتعاهدنا على كده، وكنا كل يوم بنقول هناخد الدوري.

وخلال حواره مع الإعلامي عمرو أديب، ببرنامج 'الحكاية'، المذاع الآن عبر فضائية 'إم بي سي مصر'، تابع شيكابالا: احنا أخدنا الدوري وكنا مضغوطين، وبنلعب مباراة كل يومين، والأهلي قعد 50 يوم مش بيلعب في الدوري.. وكان موافق.

واختتم شيكابالا: السنة الجاية مش هناخد الماتش.. لأن باختصار في ناس كتير بتزعل أما نكسب، وبيبدوا يعملوا حاجات بقى الناس كلها عارفاها، لو هنلعب كرة بس هناخد الدوري على طول.

حلقة شيكابالا مع عمرو أديب

واحتفل نادي الزمالك بالحصول على لقب الدوري المصري الممتاز لموسم 2020-2021، للمرة الأولى منذ 6 سنوات والـ 13 في تاريخ النادي، بعدما قدّم مردودا إيجابيا على مدار الموسم الحالي، واعتلى صدارة جدول الترتيب برصيد 80 نقطة.