علق مدحت شلبي على الأزمة الأخيرة التي طالته بسبب مباراة القمة بين الأهلي والزمالك، قائلًا: 'قبل مباراة القمة موقع سجل معايا فقولت نصًا أنا ياجماعة هسيط الفرقة اللى هتجيب جول عشان لازم أمتع المشاهد صوتيًا، يعني مش مشكلتي أن الأهلي هو اللي سجل أكثر'.
وخلال مداخلة هاتفية لبرنامج اللعبة 'الحلوة مع خالد الغندور' عبر إذاعة أون سبورت إف إم، تابع شلبي: 'أطالب جمهور الزمالك بمشاهدة المباراة مرة أخرى، أنا قلت هلعلع الفرقة اللي هتجيب جول عشان جمهورها يتبسط، أنا مش موظف بيعمل شغله ويروح، أنا لازم أعمل متعة صوتية للمشاهد'.
وأردف شلبي: 'اسمعوا يازملكاوية تعليقي على أهداف الزمالك، قلت مثلا على هدف مصطفى فتحي لا الشناوي ولا عشرة زي الشناوي يعرفوا يطلعوا الجول ده، مع أن الشناوي ده حارس أسطوري وهو ثاني أفضل حارس في تاريخ مصر بعد الحضري'، مختتما: 'نيجي بقى لتعليقي على تألق على معلول، وهفكركم أنا من كام شهر قلت نفس الجملة لما على معلول عمل هدف لعمرو السولية في ماتش أنتو كلكوا عارفينه، وقلت وقتها معلول حط الزغلول يعني قديمة مش جديدة'.
تابعوا آخر أهل مصر على Google News
