وجهت الإعلامية بسمة وهبة، رسالة شديدة اللهجة للداعية مبروك عطية، بسبب واقعة الزواج الثاني لبطل كمال الأجسام العالمي رامي السبيعي، المعروف بـ بيج رامي، واستنكرت الواقعة قائلة: هذا ما كان يجب أن يحدث من البطل العالمي.
وخلال تقديم حلقة اليوم من برنامج '90 دقيقة' على قناة 'المحور' قالت وهبة: 'يا شيخ مبروك لما تقول إن السيدة تعترض على إن زوجها يتزوج عليها تبقى آثمة وتدخل نار جهنم، واللي عمله بيج رامي في مراته هيدخله فين؟!'.
وتابعت: 'الزوجة التي تدعم وتساند زوجها وتبدأ معه من الصفر وتتحمل وتضحي وبعدين تلاقي صورته في الجرائد مع عروسته وتدخل جهنم، أنهي دين اللي بتتكلم عنه؟! تدخل جهنم عشان هي رافضة إنها تاخد خنجر في قلبها وكرامتها ومشاعرها يا شيخ مبروك؟!'.
وعاتبت الإعلامية بيج رامي قائلة: 'هل من الآدمية إن الزوجة الأولى تعرف من الصحافة؟! أي منطق وإنسانية وعيش وملح وعشرة ممكن يهونوا على رجل إن زوجته تبقى جنبه واليوم اللي يوصل فيه يتجوز عليها وميقولهاش، أنا شفت الكلام ده في الأفلام مشفتهوش في الحقيقة'.
تابعوا آخر أهل مصر على Google News
