«أنا زعلان».. أحمد موسى ينتقد آداء منتخب مصر أمام لبنان: مفيش روح

انتقد الإعلامي أحمد موسى، آداء منتخب مصر أمام منتخب لبنان، قائلا: "فريق متواضع للغاية، ولم نصل لمرمى المنافس إلا في مرات قليلة.

وخلال تقديم برنامج "على مسئوليتي"، عبر فضائية "صدى البلد"، تابع موس: "مفيش روح.. ومصطفى فتحي أناني جدًا.. وكيروش أشاد باللاعبين ليه؟.. هو أنت حضرتك كنت بتشوف مباراة غير بتاعتنا ولا ايه؟.. احنا بالشكل ده مش هنكمل.. أنت مبسوط على ايه؟.. مع احترامنا لمنتخب لبنان لكن الفارق كبير جدا بينا وبينهم".

وواصل موسى: مفيش آداء.. والا أهداف.. ولولا ركلة الجزاء كنا اتعادلنا.. ومنتخب لبنان كان هيكون فرحان.. نفسي أشوف فريق بينقل كرة زي باقي المنتخبات.. من أول مباراة كده في كأس العرب عايزين "تنرفزونا؟.. أنا زعلان والناس زعلانة.. وعندنا مشكلة كبيرة.

وفاز المنتخب الوطني على منتخب لبنان في الجولة الأولى من بطولة كأس العرب.