صانع فخار يروي مشكتله للرئيس.. والسيسي يرد: أنا تحت أمرك متشلش هم

توقف الرئيس السيسي خلال جولته اليوم، لتبادل التحية مع المواطنين والعاملين في ورش الفخار بمصر القديمة، حيث استمع إلى طلباتهم واحتياجاتهم.

وشرح أحد المسئولين بتطوير منطقة ورش الفخار بمصر القديمة، أعمال التطوير بالمنطقة أمام الرئيس السيسي.

وقال الرئيس السيسي: "لازم نتعود أننا نضع تكاليف الحاجة مظبوط.. هنعمل ليهم المدرسة وهنحسن الوضع، وهنعمل كل حاجه حلوه ليهم".

وتساءل الرئيس السيسي، عن أرباح إنتاج المنتجات الفخارية، مجيبا عليه صانع الفخار: "لو فيه إنتاج وبيع وشراء هيعمل فلوس حلوة، ممكن 500 جنيه في اليوم، ولو عامل ماهر ياخد 150 جنيه، فى حالة كان مبتدئ ياخد 70 جنيه".

وقال صانع فخار آخر للرئيس السيسي، إن مصنعه قام بالتصدير للكثير من الدول العربية، وطلب من الرئيس زيارته، ليرد عليه: "هجيلك، وإيه المشكلة اللي عندك".

ورد عليه العامل: "مشكلتي اني مش عارف أشتغل لأني أما بيجيلي أوردر مبعرفش أعمله كان مصنعي أربع أدوار وإمكانياتي قليلة، والمصنع ضيق"، ليرد عليه الرئيس السيسي: "هنشوف دي حاضر وأنا تحت أمرك ومتشلش هم واللي أنت عايزه هنعملهولك".