قول الحقيقة يا كامل.. الرئيس السيسي: تسعير التذاكر كان سببا في إنهيار السكة الحديد

كشف الرئيس عبدالفتاح السيسي عن التحديات التي واجهت الدولة في تطوير منظومة السكة الحديد خلال السنوات الماضية.

وقال الرئيس السيسي في كلمته خلال افتتاح التوسعات الجديدة والتطوير لمسنع كيما للاسمدة في اسوان صباح اليوم الثلثاثاء:' لما تشوف التطور لما بدأنا لحد الان بنحطه قدامكم عشان تعرفوا حجم المشكلة وحجم التحدي'.

وأضاف الرئيس السيسي:' كامل لما بيتكلم عن الـ10 آلاف كيلوا ومشكلتها ان الدنيا تطورت سواء في أعمال الصيانة أو الميكنة لكن مقدرناش نواكب ده معاها وليه اللي قبل مننا في الأربعينات والخمسينات كانوا قادرين يطوروا ليه يا كامل؟ قول الحقيقة، انا هقولها بمنتهى الوضوح التسعير الخط ده يتكلف 5 آلاف جنيه عشان يتحرك انا باخد ألف جنيه - ضاربا مثالا مجازيا- هفضل ادعمه واستمر معاه كام سنة سنتين تلاتة وبعدين ينهار مني انا بقول الكلام ده للمصريين عشان محدش يقول السكة الحديد تعبانة ليه اصل الحكومة مكنتش كويسة، لا هم عارفين بس هيعملها ازاى كامل يقولي التذكرة بجنيه طيب نزودها اقوله لا متزودهاش ليه مبيقولش ليه لانه خايف حتى لو كانت البلد تخرب عشان الكرسي يقعد هو ونخرب فيها ونخليها كهن بلد كهن سكة حديد تعبانة وطرق تعبانة كله تعبان مش فكرة إرادة الناس كانت عارفة كويس العلاج والعلاج عايز فلوس'.