اعلان
اعلان

«لو الكلام حقيقي يبقى مصيبة».. عمرو أديب يُعلق على تسريبات فكري الهواري (فيديو)

عمرو أديب
عمرو أديب

علق الإعلامي عمرو أديب، على واقعة القبض على رجل الأعمال فكري الهواري مدير سلسلة 'هايبر ماركت' لإساءته لأجهزة حكومية من خلال عدد من الفيديوهات المسجلة له.

وخلال برنامجه 'الحكاية'، المُذاع عبر فضائية 'mbc مصر'، مساء الإثنين، قال أديب: 'الساعات القادمة سيكون هناك رد من النيابة العامة على تلك التسريبات، محتاجين حد يفهمنا ويقولنا كلام الراجل ده حقيقي ولا لأ'.

وتابع أديب: 'وارد جدًا يكون كلامه مجرد 'نخع وهجس'، وميكونش يعرف حد، أو إن الفيديوهات بتاعته كانت نوع من أنواع التباهي، ويبدو أن هذا الرجل كان نافذًا، ولكن لو الكلام ده حقيقي هيكون مصيبة ولازم يتجاب كل الفساد اللي معاه'.

وأكمل أديب: 'لو كان الكلام فارغ مكنش اتقبض عليه ولو التسريبات دي صحيحة ستكون أكبر قضية فساد في تاريخ البلد، لما تسمع الفيديوهات لازم تشهق، هذا الرجل يقوم بعلميات أندر جراوند وليست نظيفة زي من واقع قيادته لعملية إتلاف الكاميرات في قضية نجل الهواري'.

وواصل أديب: 'ده ميتسبش ولازم نعرف هل هو مدعي أو الفيديوهات المسربة صحيحة، فيه ريحة فساد والناس بتهري ولازم يكون هناك بيان واضح وشفاف من أجهزة التحقيق، مينفعش تسيبوا الناس كده من غير توضيح'.

واختتم أديب: 'ده واحد بيقول أنا دولة 6 أكتوبر، متسائلًا: 'هل هناك منظومة فساد تتحرك في البلد؟'، متابعًا كده ممكن يكون فيه ناس فوق وناس تحت، والاحساس بعدم العدالة شيء بغيض وسيء ويؤذي مشاعر الناس'.

WhatsApp
Telegram