شريفة ماهر عن وفاة نجلها: "لازم الناس تتعظ" (فيديو)

علقت الفنانة المعتزلة شريفة ماهر، عن وفاة نجلها الأكبر، الذي توفي اليوم الجمعة، عن عمر ناهز 70 عامًا، ودفن بمقابر الأسرة.

وأوضحت شريفة ماهر: 'مش هروح جنازة ابني، وربنا ياخدلي حقي منه، أنا محدش قالي خبر الوفاة ومكان العزاء وعرفت بالصدفة من حد بعيد عننا، وهو استغلني وكان واقف جنب ابني التاني عشان ياخدوا الورث دون وجه حق'.

وأضافت خلال مداخلة هاتفية مع الإعلامية ياسمين عز، في برنامجها كلام الناس، المذاع عبر شاشة MBC مصر: 'أنا قبل ما أمي تموت كنت قاعدة تحت رجليها، وبخدمها وكانت بتدعيلي وتقولي ربنا يحبب فيكي خلقه، وربنا ما يحوجك لأولادك، وأنا بتكلم دلوقتي عشان لازم الناس تتعظ وتفوق ويعرفوا الدنيا فيها إيه'.

وأردفت الفنانة الكبيرة: 'بنتي الكبيرة واخدة مني عمارة، وفلوس كتير من غير وجه حق، وأنا شوفت من أولادي حاجات أوحش وأبشع من قصص المسلسلات، يعني مثلا في مسلسل الطوفان قتلوا والدتهم، وأنا أولادي عملوا معايا أكتر من كدا'.