«انتحرت عشان خايفة مني».. والد «فتاة الشرقية» يكشف تفاصيل ابتزازها بصور مفبركة

كشف شحتة، والد هايدي ضحية الابتزاز بصور مفبركة على السوشيال ميديا، أن ابنته تعرضت لضغط شديد، دفعها للانتحار خوفًا منه ومن أمها ومن أخوالها.

وخلال مداخلة هاتفية ببرنامج "آخر النهار" المُذاع عبر فضائية "النهار"، قال شحتة إن ابنته تتعرض للابتزاز منذ عيد الفطر، كاشفًا أن المبتزين جيرانهم، وكانوا يغارون من بناته.

وأضاف: "جارتي كانت بتبتزني عشان اشتم بنتي واضرب مراتي، وأنا مش هحاسب بنتي ومراتي قدام أي حد، بحاسبها بيني وبينها، فجارتنا لما لقتني متكلمتش نشرت الصور على الفيس، وقالت ابقى تف في وشي لو لقيت عريس يخش على بناتك".

وأردف: "أنا سواق على باب الله، عندي عيالي من المدرسة للبيت، لو عندهم درس بيروحوه، ومبيرحوش عند حد، صاحباتهم يجوا البيت يذاكروا معاهم، إنما هي متقدرش تقولي يا بابا أذاكر عند صاحبتي".