قال الإعلامي عمرو أديب: « أنت عارف أن أوكرانيا تحولت فجأة للاجئين، تخيل فجأة كده تكون قاعد في بيتك ويقولولك يلا عشان هتروح تقعد في المترو وتاكل وتشرب هناك لأن في حرب وممكن تموت في أي وقت».
وخلال تقديم برنامجه «الحكاية»، عبر فضائية «إم بي سي مصر» استنكر أديب تخلي الغرب عن أوكرانيا في أزمتها قائلا: «لقينا فترة عمالين نسمع تهديدات أن لو روسيا قربت من أوكرانيا هنعمل وهنعمل ونسوي، ونفرض عقوبات، ودلؤقتي مش شايفين أي حاجة من ده».
وحول تأثير الحرب في أوكرانيا على العالم، قال مقدم «الحكاية»: «كل العالم بيتأثر اقتصاديا، وقولنا قبل كده الزيت لو سعر ارتفع في البرازيل، الطعمية هيرتفع سعرها في مصر، ده غير إن معظم السياح في مصر من أوكرانيا وروسيا، يعني كده كده هايكون في تأثير على مصر».
وسخر الإعلامي من الوضع قائلا: «بيقولوا أصل أوكرانيا مش عضو في حلف «الناتو»، ومدفعش الاشتراك، أنتو بتهزروا.. مش ضمن حلف الناتو ازاي؟.. ده ديناصور بيحارب حد على قده.
وفي وقت سابق أعلن الجيش الروسي، تدمير 74 منشأة عسكرية أوكرانية، من بينها 11 مهبطا للطائرات، وذلك خلال الحرب الروسية على أوكرانيا.
تابعوا آخر أهل مصر على Google News
