زوج أنيسة حسونة يروى تفاصيل اللحظات الأخيرة قبل وفاتها:"كانت فرحانه بتكريمها من قرينة الرئيس"

روى شريف ناجى، تفاصيل اللحظات الأخيرة في حياة زوجته الدكتورة أنيسة حسونة، عضو مجلس النواب السابقة التى توفيت بعد صراع مع المرض.

وقالشريف ناجي، في تصريحات تلفزيونية، 'ليلة تكريم السيدة انتصار السيسى تفاجأنا باتصال يخطرها بتكريم حرم الرئيس عبدالفتاح السيسى لها وقالت لى وقتها (هروح إزاى بحالتى دي)، وكانت رجليها مش شايلاها وقلتلها (هتروحي)، ومن هنا جاءت فكرة الكرسى المتحرك'.

وتابع: 'التكريم رفع بشكل كبير حالتها المعنوية ورجعت فرحانة وقالت (حسيت أن الدولة بتطبطب عليا)، ورديت وقولت ليها (مش الدولة بس اللى بطبط عليكى، ربنا طبطب عليكي) وفضلنا طول الليل إمبارح نعمل أشاعات وفحوصات ورجعت منهكة وتعبانة البيت ونامت وكانت يادوب بتروح الحمام بمساعدتنا طول الليل، كان توتر وتعب ومكانتش قادرة تعمل معانا أى حركة، والصبح قعدت ربع ساعة أو نص بالكتير وأمر الله نفذ'.