قال الإعلامي عمرو أديب إن الأيام المقبلة قد تتخذ الدولة قرارت اقتصادية صعبة، مردفا: "أنا شايف ان الفترة الجاية ممكن البنك المركزي يرفع الفائدة زي ما دول كتير عملت بسبب موجة التضخم، ولما البنك الفيدرالي بيرفع الفائدة معظم البنوك المركزية بتعمل زيه".
وخلال تقديم برنامجه "الحكاية" المذاع الآن عبر فضائية "إم بي سي مصر"، تابع أديب: "أي أزمة أو موجة تضخم بتؤدي إلى رفع الأسعار، وبعد ذلك رفع الفائدة، ومن ثم يصبح قيمة الجنيه "غالي" وتعود الأسعار للانخفاض من جديد".
وأردف مقدم برنامج "الحكاية": "محدش عارف حاجة ولا حد عارف الحرب هتخلص امتى.. حتى روسيا وأوكرانيا نفسهم مش عارفين حاجة، ولازم نعيش الواقع، احنا مخلقناش الحرب ولا الوباء".
وأكمل أديب: "طبعا بالنسبة للفقراء دول في رقبة الحكومة، وأنا شايف أن الفترة المقبلة قد تشهد إجراءات اقتصادية صعبة زي إنجلترا مثلًا".
واختتم أديب: "طيب ييجي واحد يقولي أنا كمواطن مصري مالي بالحرب في روسيا؟.. عندك حق يا سيدي، لكن الحكومة هترد تقولك وأنا مالي أنا كمان، وعلى فكرة من الصعب جدا أن تحافظ الدولة على الوضع الحالي، وأشك أن يستمر سعر البنزين كما هو دون ارتفاع، ده من يومين كانوا بيقولوا إن "الدليفري" هيكون بالحصان بسبب البنزين، عايزة أقولكم الأيام الجاية صعبة، ومحتاجين الصبر".
تابعوا آخر أهل مصر على Google News
