أكدت الفنانة إلهام شاهين، أنها لم تتشاجر أو تدخل في خلاف مع الفنانة نادية الجندي بسبب فيلم الرغبة، مردفة: 'كانت زعلانة إن متحطش لقب نجمة الجماهير على الأفيش، رغم إني مليش قوة في الموضوع، وده شغل المنتج والمخرج'.
وخلال حوارها مع الإعلامية بسمة وهبة مقدمة برنامج «العرافة»، على قناة المحور، تابعت شاهين: 'اسمها كان مكتوب قبل اسمي، ورغم ذلك كانت معترضة وترغب في أن يسبق اسمها لقب نجمة الجماهير.. أنا مكنتش معترضة، وأنا مالي!'.
واختتمت شاهين: 'عمري ما أتطاول عليها، وأقول أنا عاوزة اسمي يبقى قبلها، هي قبلي ولها احترامها، لكن اللي عرفته بعد كده إنها كانت متضايقة بسبب لقبها، لكن حصل زعل بعد كده لما قالت كلام مش لطيف بسبب فوزي بجائزة أفضل ممثلة عن مشاركتي في الفيلم.. لكن دلوقتي بقينا أصحاب'.
تابعوا آخر أهل مصر على Google News
