قالت الفنانة وفاء عامر، إنها قدمت في رمضان هذا العام 3 أعمال لأول مرة، وحققوا نسبة مشاهدة عالية.
وأضافت وفاء عامر، خلال مداخلة هاتفية لبرنامج رمضان ويانا الذي يذاع علي "نغم أف أم":" انا ضيفة شرف في جزيرة غمام وده كان آخر مسلسل تعاقدت عليه وحسيت أنه بيمثل مصر الحقيقية فمقدرتش أرفض العمل، وراجعين يا هوى بيضم مجموعة من النجوم صعب يتكرروا مع بعض تاني، وعلي فكرة الفنان خالد النبوي شخص منطوى وبيتكسف لكن اول لما الكاميرا تشتغل بينطلق".
وتابعت:" راجعين يا هوى أول عمل أشتغل فيه مع خالد من أيام المعهد، و المخرج هو ملك العمل والوحيد اللي يقدر ينقل العمل إما للهاوية أو للقمة، واختتمت: بحب أغنية شكرا للفنانة أصالة لأن الناس الحلوة اللي في حياتنا عمرها ما بتخلص".
تابعوا آخر أهل مصر على Google News
