قال الإعلامي أحمد موسى: "مهنتنا في الصحافة بتقول إن أي محرر يكتب خبر بيعدي بعد كده على رئيس القسم، والديسك المركزي، وبعد كده المراجعة، وكمان رئيس التحرير، وبعد كده الشغل يروح المطبعة، يتطبع الجورنال ويتوزع.. يعني على الأقل الخبر بيمر بـ 10 مراحل من الكتابة للنشر".
وخلال حلقة اليوم من برنامج "على مسئوليتي" المذاع الآن عبر فضائية "صدى البلد، تابع موسى: "وبالتالي ما حدث في المصري اليوم أمر لايليق، والكلام الفارغ اللي تم نشره غير مقبول، والاعتذار لا قيمة له، طيب مين اللي سمح بنشر هذا الخبر".
وواصل موسى: "هذه جريمة في حق كل مواطن مصري، ولابد من محاسبة المسؤول، طيب أنت ازاي ساكت على الخبر كل ده؟.. وأنا هنا بتكلم على المهنة وصناعة الخبر الصحفي، وبعدين هو الأزهر الشريف والإفتاء المصريين قفلوا عشان آخر رأي واحد داعشي من سوريا؟.. محمد صالح اللي أخدوا رأيه ده إرهابي وداعشي، وبيتواصل مع داعش.. ازاي أكلم الشخص ده أخد منه فتوى؟.
وأكمل موسى منفعلا: "المجلس الأعلى للإعلام لازم يحقق في الموضوع.. دي كارثة.. والموضوع كبير، وهناك أخوة في بلدنا، ولهم حق المواطنة، الموضوع عار على اللي كتب، واللي راجع واللي نشر".
وكانت جريدة المصري اليوم كانت نشرت خبر بعنوان "ما حكم بيع الطعام في نهار رمضان للكفار؟..الأمر الذي أثار جدلا كبيرا خلال الساعات الماضية.
تابعوا آخر أهل مصر على Google News
