ويزو: "سيبت التدريس عشان أمثّل.. وكان نفسي أشتغل مع فؤاد المهندس"

قالت الفنانة ويزو، إن التمثيل لم يكن من اهتماماتها، وإن بدايتها في الوسط الفني كانت في "مركز الإبداع" مع المخرج خالد جلال، مضيفة: "أول مرة أقف قدام كاميرا كان في برنامج "جد جدًا " مع أشرف عبدالباقي.

وأضافت خلال حوارها لبرنامج "ع اللوكيشن" مع شريف الليثي علي راديو هيتس: "أنا بحب الرقص جدًا من زمان، وكنت مدرسة ثانوي بنين واخترت أسيب التدريس وأمثل، ومفيش حد في عيلتي بيمثل غيري، وأهلي هما اللي بيشجعوني طول الوقت، وكان نفسي اشتغل مع فؤاد المهندس".

وتابعت: أول فيلم ليا كان "جيران السعد" بعدها فيلم "جوازة ميري"، وعملت فيلم "كلب بلدي" مع معتز التوني، وكان ليا ٨ مشاهد أحلي من بعض.

وعن فيلم " كلب بلدي" قالت: هو من أحلي وأجمل الأفلام اللي عملتها في حياتي، والناس عرفتني بعد مسرح مصر، وأشرف عبدالباقي له فضل كبير جدًا علينا، ومسرح مصر أهم وأكبر نقلة في حياتي .

واختتمت قائلة: اللي معايا من البداية لحد دلوقتي ربنا عز وجل وأبويا وأمي، ونجاحي سببه ربنا.