عالم أزهري: رحمة ربنا قريبة والتوبة تمحي ما قبلها من ذنوب

تناولت فقرة 'محبة مني'، ببرنامج 'صباح الخير يا مصر'، على القناة الأولى والفضائية المصرية، المذاعة طوال أيام شهر رمضان، ويقدمها العالم الأزهري أحمد عبدالرحمن 'رحمة ربنا قريبة'.

وقال عبدالرحمن: 'ناس كتير مننا قعدت فترة كبيرة بعيدة عن ربنا، لكن لما يجي يقرب، يبقى خايف، ويقول هل ربنا هيقبلني ويغفر لي، هل أستحق إني أرجع، ولو رجعت، هعمل ايه في اللي فات'.

واستشهد بقوله تعالى 'ورحمتي وسعت كل شيء'، فعندما نتوب مهما كانت ذنوبنا، فإن الله يقبل: 'ربنا بيفرح بطريقة مش عادية، ولما ربنا يهديني ويرجعني على طريقه، النبي حكى عن فرح الله بهذا الأمر، وقال أشدُّ فرحًا بتوبة عبده حين يتوب إليه من أحدكم كان على راحلَته بأرضٍ فَلَاة، فانفلتت منه وعليها طعامه وشرابه، فأيسَ منها، فأتى شجرةً فاضطجَعَ في ظلِّها قد أيس من راحِلَته، فبينا هو كذلك إذا هو بها قائمةً عنده، فأخذ بخِطامها، ثمَّ قال مِن شدَّة الفرح: اللهمَّ أنت عبدي وأنا ربُّك، أخطأ من شِدَّة الفَرح'.

وتابع العالم الأزهري: 'اوعى تقول أنا خلاص وبابي اتقفل وربنا مش هيقبلني عشان عملت ذنوب كتير .. المهم أن ترجع، والنبي قال لو لم تذنبوا لذهب الله بكم وأتى بقوم آخرين فيذنبون فيستغفرون فيغفر الله له .. ارتكاب الذنوب أمر طبييعي، لأن العصمة دُفنت بموت النبي'.