تعشق إسعاد الآخرين.. «الحاجة عزيزة» بدأت من «حلتين وباجور» حتى وصلت لتوزيع 1000وجبة يوميًا

قال الحاجة عزيزة عبدالعليم، إنه كانت منذ ما يقرب من 33 سنة تحلم بإطعام المساكين، مضيفة: «بدأت بباجور و 3 حلل وقاعدين في الشارع في جنينة صغيرة وكان أملي أني مشوفش حد في الشارع جعان».

وأضافت الحاجة عزيزة، في مقابلة لبرنامج «8 الصبح» على فضائية «دي أم سي» صباح الإثنين: «ربنا رضا عليا ومن حلتين وباجور، وصلنا دلوقتي لـ1000 وجبة يوميا».

وتابعت: «اللي بيدخل الخدمة مش بنسأله عن دينه سواء مسلم أو مسيحي، وأي حد بيأكل، ومرة واحد نزل من العربية ببدلة وأكل وهو ماشي سأل مش مفروض تأكلي اللي محتاجين قولت له أي حد بيدخل بياخد خدمته، لقيته طلع 10 آلاف جنيه من جيبه وقالي دي للخدمة وأنا معاكي في أي حاجة».

وأوضحت أنها تعمل على مساعدة الشباب في الزواج، من حيث تشطيب والتجهيزات وخدمات الأفراح.