«لو في ناس جدعة كان ممكن يلحقوا البنت».. أحمد موسى يُهاجم مصوري واقعة طالبة المنصورة

علق الإعلامي أحمد موسى على واقعة ذبح طالبة المنصورة على زمليها قائلا: 'قلبنا واجعنا من امبارح.. ولابد من إنجاز التحقيقات والمحاكمة العاجلة'.

وخلال تقديم برنامجه 'على مسئوليتي' المذاع الآن عبر فضائية 'صدى البلد'، تابع موسى: 'ليه كده؟.. فين الشجاعة يا مصريين؟.. في الناس اللي كانت واقفة؟.. أقسم بالله مش مستوعب اللي حصل.. لو في ناس جدعة كان ممكن يلحقوا البنت دي'.

طالبة المنصورة

وواصل موسى: 'واقفين تتفرجوا؟.. اعتبرها اختك أو بنتك.. اتحركوا بدل ما أنتوا واقفين كده.. البنت بتتضرب بالطعنات واحنا واقفين نصور'.

وهاجم موسى بعض الدعاة قائلا: 'طالعين يبرروا جرائم القتل وينتقدوا ملابس الفتاة.. أنت مالك بالبنت.. هي الله يرحمها.. لازم الأزهر يتدخل والإفتاء تتدخل ويتصدوا لبعض هؤلاء الدعاة.. اللي بيشجع على القتل هو قاتل'.

واختتم موسى: 'القاتل لازم يتم إعدامه في نفس مكان مقتل نيرة أشرف'.

أقدم شاب يدعى محمد عادل على قتل زميلته ذبحًا أمام جامعة المنصورة في ثوان معدودة تاركًا خلفه حالة من الهرج أمام أسوار الجامعة بينما سقطت الطالبة على الأرض وسط دمائها في محاولات لإنقاذها من المتواجدين الذين هرولوا إليها.

وكشف أشرف عبدالقادر والد الطالبة نيرة التي قتلت على يد زميلها أمام جامعة المنصورة، أن المتهم كان دائم مطاردتها أكثر من مرة وهي كانت ترفض فكرة الزواج حاليًا تمامًا حتى تنتهي من دراستها.