عمرو أديب عن دعوات الفوضى: أنا عجزت ومركب دعامة.. لو عاوزين تجبوها الأرض أنا مش قاعد فيها

هاجم الإعلامي عمرو أديب من يطلق دعوات وتمنيات بأن يحدث في مصر كما يحدث في سيريلانكا، مشيرا إلى أن تلك الدعوات تعد من أكبر السفاهات والقذارة.

وقال "أديب"؛ خلال تقديمه برنامج "الحكاية"؛ المذاع عبر فضائية "إم بي سي مصر": "انت نفسك البلد تولع، انت قاعد هناك بتاكل عنب والدولارات شغالة، ايه الفايدة هتستفيد ايه، لما نبقى زي سيريلانكا، عاوزينا نرجع زي الوقت اللي فات تاني، اللي احنا فيه حاليا جزء كبير منه إننا كنا عاوزين نبقى زي سيريلانكا".

وتابع الإعلامي: "السيناريوا لا يختلف هات الداخلية الأرض، ونزل الجيش على ركبه، خلص على الرياسة ودمر أمن الدولة، انتم جربتوا قبل كدا، أنا عجزت ومركب دعامة، لو عاوزين تجيبوها الأرض هروح أقعد في بلد الشعب اللي فيها مش عاوز فوضى".