داعية إسلامي: لو معاك قرش محيرك ساعد الفقراء والأيتام تشعر بالسعادة

قال الشيخ رمضان عبدالمعز، الداعية الإسلامي، إن الاكباد الجائعة أولى بالصدقة من بيت الله الحرام، مضيفا: 'الناس تقولك اللى معاه قرش محيره يجيب حمام ويطيره، بدل ما تعنى كده شوفلك طفلين يتيمين تكفلهم، شوف أسرة فقيرة عندها تعفف عزة ساعدها، شوف كام مريض مساكين محتاجين روشتة الدوا ساعدهم بها'.

وخلال حلقة برنامج 'لعلهم يفقهون'، المذاع على فضائية 'dmc'، اليوم الأحد، تابع عبدالمعز: 'شوف بقى السعادة اللى هتعيش بها، لما تعمل كده، الحمد لله معظمنا شعر بهذا، تشوف واحد مستريح ماليا وراكب أحدث عربيات واحسن لبس وساعات، وتقوله مالك مكروب ليه يقولك هى بالفلوس، لا هى براحة البال ساعد الناس وشوف راحة البال والسعادة اللى هتكون فيها من هذا العمل'.