قال الشيخ رمضان عبدالمعز الداعية الإسلامي، إن من علامات قرب الساعة، إذا صارت الزكاة مغرما، موضحا: 'الناس تبقى مخنوقة وهى بتخرج الزكاة يقولك مش كتير، اصلى اللى جاى على قد اللى رايح، متعرفش بيفاصلوا في ايه، ما نقص مال من صدقة'.
وخلال حلقة برنامج 'لعلهم يفقهون'، المذاع على فضائية 'dmc'، اليوم الاثنين: 'الناس اللى عاوزه تشرب من يد سيدنا النبى محمد صلى الله عليه وسلم، هو ده كلامه اقسم على ثلاثة، ما نقص مال من صدقة، ربنا بينمى الصدقة وتزيد المال وتبارك فيه'، مستشهدا بقول الله تعالى: 'يَمْحَقُ اللَّهُ الرِّبَا وَيُرْبِي الصَّدَقَاتِ ۗ وَاللَّهُ لَا يُحِبُّ كُلَّ كَفَّارٍ أَثِيمٍ'.
واستكمل عبدالمعز، حديثه، قائلا: 'الصدقة دى قرض حسن لله، يضاعفه له أضعاف كثيرة، ده لو البنك زود الفوائد الناس بتقف طوابير، وربنا من ١٤ قرن قلل مين يسلف ربنا، عشان يعوضه ويبارك له فى ماله ويضاعفه له أضعاف كثيرة'، مستشهدا بقول الله تعالى: 'مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا'.
تابعوا آخر أهل مصر على Google News
