نهى العمروسي: غلطت في تربية بنتي.. وخرجنا من أزمة قضية «الفيرمونت» بمساعدة ربنا

كشفت الفنانة نهى العمروسي، تفاصيل قضية ابنتها الشهيرة، المعروفة إعلاميًا بقضية الفيرمونت، موضحة كيف خرجت وابنتها من الأزمة.

وخلال تصريحات عبر فضائية "إم بي سي مصر"، كشفت ما إذا كانت ترغب ابنتها في دخول مجال الفن والتمثيل، قائلة: نازلي شخصية مستقلة، وأنا اتربيت على الحرية وأني أختار المهنة اللي أنا عاوزاها، وربيت بنتي كده وهي مش عاوزة تقرب من الوسط نهائي.

وأوضحت كيفية خروجهما من الأزمة في القضية الشهيرة، قائلة: "بمساعدة ربنا وقوته، ربنا اللي بيعطي القوة، وهي ربنا يكون في عونها كانت في أزمة من قبل أزمة القضية، واستحملت كتير، لكن الحمد لله إحنا أقوياء وعندنا قوة وقدرات ما نعرفهاش، ولجأنا لربنا سبحانه وتعالى لأنه بيديكي القوة والنور والحكمة".

وتابعت العمروسي: "غلطت في تربية بنتي ومنها غلطات كبيرة ما كنتش قصداها، بالإضافة إلى أن الطريقة اللي قلت بيها إزاي بابها مات كانت غلط، وأنا مش ندمانة لكني بواجه نفسي وأشوف لو ظلمت أراجع نفسي وأعتذر وأطلب السماح".