عمرو أديب: أنا مش بالع فكرة إن الأهلي يلبس شعار الخطوط القطرية

علق الإعلامي عمرو أديب، على ما يتردد بشأن رعاية شركة الخطوط الجوية القطرية للنادي الأهلي.

وقال عمرو أديب، خلال برنامجه " الحكاية" المذاع على قناة "إم بي سي مصر":" أنا مش بالع فكرة إن الأهلي يلبس شعار الخطوط القطرية، الموضوع مش ظريف ولا لطيف ولا خفيف، خاصة بعدما رفضت الخطوط الجوية؛ رعاية النادي الأهلي خلال الـ 4 مواسم المقبلة".

وأضاف: "عندنا في مصر رعاة كتير جدا الأهلي ممكن يختار منهم سواء شركات اتصالات أو جبنة أو عربيات.. مجتش على الخطوط القطرية".

وتابع عمرو أديب: "اللهم صل على النبي الملاءة المالية للأهلي زي الفل.. إيه سر اهتمام الخطوط القطرية إنها تبقى تيشيرت الأهلي .. أكيد لأن الأهلي هو نادي الأغلبية المصرية".

وأكمل:"كل ما أقرأ الخبر ده يضايقني، فيه مليون حد مستعد يدفع دم قلبه علشان يتحط على تيشيرت الأهلي .. جايز أكون أنا التافه الوحيد اللي في البلد اللي واقف عند الحتة دي لكني مش بالعها".