بالدموع.. والدة منة ضحية مدرسة العجوزة: "المدرس رفض يسلمها لبنت عمها تروحها"

كشفت مديحة إبراهيم، والدة منة الطالبة التي توفيت نتيجة سقوطها من الطابق الرابع من المدرسة بالعجوزة، عن أن ابنتها عمرها ٧ سنوات، مشيرة إلى أنها من أوصلتها الفصل بنفسها.

وقالت والدة منة، خلال مداخلة هاتفية لبرنامج 'حضرة المواطن' المذاع على قناة الحدث اليوم: 'بنتي صاحية فرحانة من آذان الفجر ولبست لوحدها وبتقولي يلا يا ماما هتأخرينا ونزلنا مع إخوتها.. وأنا متعودة أوصلها أول يومين لحد ما اطمأن عليها وبنت عمها معاها في المدرسة وبتجيبها'.

وأضافت: ' الخبر وصلني بعد الظهر الساعة واحدة أو واحدة ونص اتصلت ببنت عمها تجيبها.. اتصلت بيه حماتي رد عليها جوزي وسألته على منة وقالتله منة وقعت في المدرسة وأنا قلقانة.. روحنا المدرسة مدخلوناش قالولنا في المستشفى اللي في وش المدرسة اسمها سوزان مبارك دخلت أدور على بنتي مشوفتهاش لحد دلوقتي مشوفتش بنتي ادوني الكوتشي والشراب بتاعها'.

وتابعت: ' محدش حكى لينا حاجة ومحدش اتكلم بنت عمها هي اللي حكت بعد ماجت من النيابة.. قالت لباباها جيت أطلع اخد منة فهي شبطت فيه وبتعيط المدرس مرضيش يخرجها من الفصل خرجها بره الفصل جربت تدخل تاخدها تاني 'يامستر اديني منه انا اللي بروحها' المدرس زعقلها وخرجها تاني.. فهي استنيتها في حوش المدرسة.. هما قالوا إني المدرس بعد ما خرج بنت عمها وبيلتفت يكتب على السبورة منة فتحت الباب وخرجت من الفصل وبنت عمها نزلت الحوش بنت عمها اترمت من الدور الرابع'.