عمرو أديب لـ المشككين في انتصار أكتوبر: حوار غبي.. في دول حولت هزائمها لانتصارات

تحدث الإعلامي عمرو أديب، عن انتصار حرب أكتوبر 1973، خلال تقديم برنامجه 'الحكاية' المذاع على قناة 'إم بي سي مصر'، قائلا: 'أنت جيت فى وقت قلت مثلا أنا أقدر أوصل لتل أبيب زي ماكنت مهزوم وقلت أن الطيارات فى تل أبيب.. لا السادات قال أنا عايز أعبر وأحرك الوضع دا وأبتدي أقعد وأتكلم وياجماعة دي أرضنا وأخرجوا.. وبالفعل مشوار طويل قام به هذا الرجل تتفق أو تختلف معه'.

وأضاف 'أديب': 'أنت كنت تقدر تكون بالقوى دي غير ما تكون منتصر.. وهي دي كلها مش انتصارات.. وكل النتائج الخاصة بالحرب انتصارات'.

وتابع الإعلامي عمرو أديب، أنه لم ير فى حياته بلد يوجد بها فئة من الناس تعشق أنها 'ترمي عليها التراب'، موضحا: 'كل عام مثل الآن ندخل فى حوار من أغبي ما يمكن.. وأتحدى أن هناك بلدا فى العالم لديها الحوار الغبي دا'.

وأردف: 'هناك دول خلقت حوار ذكيا عن الغباء اللي بيجري عندنا وفيما يخص بحرب أكتوبر عام 1973.. كل ما تيجي مناسبة حرب أكتوبر واحد يقول على فكرة مكنش انتصار.. يا جدعان دا فيه دول فى العالم حولت هزايمها لانتصارات.. أى أنها أقنعت العالم أنها انتصرت.. مش تكون منتصر وتلاقي ناس بتعمل فيديوهات وتكتب حاجات أنه لا لا دي خدعة.. الجيل اللي موجود دلوقتي غير جيلنا ومحضرش الحرب عندك أيه تديهولوا'.