ياسمين عز للسيدات: جوزك مش ليكي لوحدك

انتقدت الإعلامية ياسمين عز، بعض الزوجات بسبب العلاقة مع أم الزوج، وقالت: 'مش قادرة أفهم الستات اللي حاطين حمواتهم في دماغهم، وتقولك إيه بقى أنا جوزي راجل قدام الكل ويجي قدام مامته ميقدرش يقولها حاجة ودايما يقولها حاضر ونعم، ياسلام إنتي زعلانة إن جوزك متربي ومهذب'.

وقالت عبر برنامج كلام الناس، المذاع عبر قناة إم بي سي مصر: 'جوزك اللي متفشخرة بيه قدام الناس طلع شيطاني كده، زرعتيه؟ جوزك مش شجرة زرعتيها وبقى ليكي لوحدك، فيه أم تعبت وسهرت وبقى راجل واتجوزك.

وأضافت: ده ابنك لو عملاله بامية، وقالك مش عايزاها بيكون نهاره مش فايت، لحد ما يسمع الكلام اللي انتي عارفه إنه مفيد ليه،هو حلال عليكي وحرام على حماتك؟