وجه الإعلامي رسالة شديدة اللهجة للفنان حسام حبيب بعد أزمته الأخيرة مع الفنانة شيرين عبدالوهاب، قائلا: 'سبب وكسة شيرين.. انهارده قال دي كانت أكبر خطأ في حياتي'.
وقال الإعلامي محمد الغيطي، خلال تقديم برنامجه 'تقدر' المذاع على قناة 'الشمس': ' أنت ليه كل شوية تظهر في الصورة يا حسام بهذا الشكل المشين.. هذا يسيء إليك.. يعني هور راح رجعلها العربية وقالت خلاص احنا اتصالحنا.. خلاص يا عم بقى متشكرين مع السلامة خلي بينا ذكريات جميلة وطيبة والنهايات أخلاق'.
وأضاف 'الغيطي': ' إيه اللي رجعك تاني تزيد الطين بلة.. أنت بتظهر ليه في المصايب أنت والبنت اللي معاك.. يابني إعقل روح أعمل شوية فن بدل الأرف اللي نشوفه ده.. أرجو متتكلمش تاني لو عاوز تعمل خير اقفل الصفحة دي ومتتكلمش تاني.. خليك محترم وقد كلمتك وتجيبش سيرة شيرين تاني'.
يذكر أن الفنان حسام حبيب، قال في تصريحات له: 'شيرين دي أكبر غلطة أنا غلطها في حياتي أنا اتصدمت فيها صدمة عمري لا عايز أسمع اسمها تاني ولا عايز أشوفها في حياتي تاني تنسى إنها عرفت واحد اسمه حسام في حياتها ومن اللحظة دي معرفش حد بالاسم ده'.
تابعوا آخر أهل مصر على Google News
