«آية» ضحية الزواج المبكر: «جوزي قطعلي ودني علشان عايز فلوس»

كشفت فتاة تدعى 'آية'، تفاصيل مأساتها مع الزواج في سن صغيرة، قائلة: 'في البلد بيجوزوا البنت في سن 13، وأول جوازة ليا كان عندي 14 سنة وكانت عرفي وأهلي كانوا موافقين لكن أهل زوجي كانوا رافضين وكانوا بيعذبوني'.

وتابعت 'آية'، خلال حوارها مع الإعلامية مايا الشربيني في برنامج ' ساعة زمن ' المذاع على قناة 'صدى البلد 2 '،: 'حملت في بنتي، وأهل زوجي مرضوش يسجلوا بنتي لانه جواز عرفي وأنا كان سني صغير'.

ودخلت في نوبة بكاء على الهواء قائلة :' بعد لما بنتي تمت عامين خدوا بنتي ومشوفتهاش تاني وزوجي مرضيش يديني بنتي، والجيران هما اللي كانوا بيشوفوا بنتي وبيجيبولي صورها وأنا عايزة بنتي '.

وأضافت: 'بعد أول زواج لي انفصلت عن زوجي، وجلست في بيت أهلي، ثم تزوجت مرة أخرى عندما كان عمري 16 سنة واتجوزت عرفي تاني، واهلي كانوا عايزني اتجوز تاني لانه مينفعش اقعد من غير جواز'، متابعة: 'اتجوزت واحد خلاني انزل اشتغل في الشارع وكان بيشرب مخدرات كان بيضربني وقطع لي ودني عشان ياخد مني فلوس'.

واختتمت آية حديثها قائلة:'أنا عايزة بنتي وعايزة عيالي يطلعوا أحسن مني، وأنا قاعدة مع أمي انهارده، وانا عايزة آمن مستقبل عيالي وعايزة اشتغل شغلانة حلوة'.