عمرو أديب ينتقد تصرف شيكابالا وقت تسليم الجوائز: أنت كبير.. ماينفعش الكلام ده

علق الإعلامي عمرو أديب، على تصرف شيكابلا، وقت تسليم الجوائز عقب هزيمة الزمالك من الأهلي في مباراة السوبر المصري التي أقيمت في استاد هزاع بن زايد في الإمارات.

وقال الإعلامي عمرو أديب، خلال تقديم برنامجه 'الحكاية' المذاع على قناة 'إم بي سي مصر': 'بمناسبة المنصة لا يسعني غير إني أدين اللي عمله شيكابالا.. مينفعش يا شيكا وأنت لاعب كبير ودولي ومحترم تيجي وقت تسليم الجوائز ومتطلعش تاخد الميداليا بتاعتك'.

وأضاف عمرو أديب: ' مينفعش الكلام ده أنتوا نموذج للشباب الصغير.. الشباب ده يا شيكا بيتناك بره عايز منك إمضاء ولا عايز منك فانلة ولا عايز منك كلمة لما أنت تقرر متطلعش.. ليه إحنا هزميتنا وحشة ومرة ليه ما بنعرفش نتهزم بكرامة حصل إيه الماتش خلص الناس تسلم على بعض نقف نسقف طابور ممر الشرف نعدي فيه شكرا للنادي الأهلي شكرا لنادي الزمالك شكل محترم لمصر في الخارج جمهور أهلي وزمالك عظيم استاد هايل'.

وتابع: 'شيكا كده غلط .. المفروض ما تنهيش حياتك بالشكل ده المفروض تاخد بالك من حاجات زي دي وأنا معرفش بقى حد هيكلمه في إدارة النادي ولا لأ.. ولا حد هيحاسبه عن هذا الأمر ولكن هذا الأمر غلط'.