عمرو أديب محذرا التجار: "لو استمريتوا تجروا وراء الدولار محدش هيشتري حاجة"

حذر الإعلامي عمرو أديب التجار من الاستمرار في رفع الأسعار، قائلا: 'لو استمريتوا كده محدش هيشتري حاجة'.

وقال عمرو أديب، خلال تقديم برنامجه 'الحكاية' المذاع على قناة 'إم بي سي مصر': ' أنا بقول لحضراتكم أنتم بتخربوا السوق محدش هيشتري حاجة ولا هيقرب من حاجة ولا يبني حاجة لو استمرينا إننا نجري وراء الدولار'.

وأضاف عمرو أديب: ' الأسبوع الماضي قولت لحضراتكم إني العلاقة طردية مع الدولار تمام طب انهارده بتزيد ليه ده سعره في البنك زي سعره بره طب أنت بتزيد ليه وبترفع الأسعار ليه.. العدس يزيد ليه ليه يبقى بـ ٦٥ جنيه الكيلو إيه في مدخلاته في الدولار ما أنت كنت مقيمه على دولار غالي .. اللي بيجرى ده تخريب للسوق'.

وتابع: 'الدولة قررت إنها تواجه الأمر بدواء مر يعني اللي حصل ده ميفرحش حد.. في بعض القطاعات هتفرح طبعا يعني لو أنت من المصريين في الخارج هتشوف حاجة مهمة لو أنت من الناس اللي بتصدر أنت بكرة دخلك زاد'.