عمرو أديب عن ارتداء طالبات إسدال داخل مدرسة بالدقهلية: "السواد ده بتاع مين وبتمهدوا لإيه؟"

علق الإعلامي عمرو أديب، على ارتداء طالبات مدرسة نشا الإعدادية بنات بمركز نبروة التابعة لمحافظة الدقهلية الإسدال كـ زي رسمي للطالبات.

وقال عمرو أديب، خلال تقديم برنامج 'الحكاية'، المُذاع على قناة ' إم بي سي مصر': 'كلامي ليس له علاقة بالحجاب تحوطًا من محاولات تحريفه، لما يكون فيه مدرسة في مصر بناتها يرتدين ملابس ليست في الثقافة المصرية لازم أتساءل مش ده شكل التحشم المصري.. السواد ده بتاع مين؟ أنتم بتمهدوا لإيه، من أنتم؟.. محدش قادر يقف قدام المسألة دي، ينفع ده يبقى شكل مدرسة في مصر تابعة لوزارة التربية والتعليم، هي دي العفة؟.. الحجاب ليس حجاب العقل'.

وأضاف عمرو أديب: 'البنات دول بيتعلموا إيه وهيطلعوا إيه؟، وإزاي وزارة التربية والتعليم سايبة المدرسة دي؟ المسؤولين بالمدرسة بيفكروا إزاي؟.. والمفتشين اللي بيروحوا للمدرسة دي رأيهم إيه؟'.

وتابع: '70% من بنات مصر محجبين ولكن مش بالشكل ده، هذه ليست دعوة للسفور أو مشكلة مع الحجاب.. الحجاب فرض وفضل وثواب، وطالما شايفين إن ده حلو يبقى أنتم صح ولتمضي القافلة في مسيرتها'.

يذكر أنه انتشرت عبر مواقع التواصل الاجتماعي صورا لطالبات مدرسة نشا الإعدادية بنات في محافظة الدقهلية وهن يرتدين الإسدال كـ زي مدرسي.