كشف الإعلامي عمرو أديب، عن ظاهرتين لهما علاقة بـ الاقتصاد العالمي، وهما أن المخازن مليئة ولا أحد يشتري وكبرى الشركات في العالم تستغنى عن العمالة من ١٠٪ حتى ٦٠ ٪، مشيرا إلى أن بنوك الطعام البريطانية تعاني من إقبال المواطنين عليها.
عمرو أديب: بنوك الطعام البريطانية تعاني من إقبال المواطنين عليها
وقال عمرو أديب، خلال تقديم برنامج 'الحكاية' المذاع على قناة 'إم بي سي مصر': 'المخازن في العالم مليانة والناس ابتدت متشتريش وابتدت ريحة الكساد والركود تتضح.. وأنا مبتكلمش على مخزن رز أنا بتكلم على المخازن العالمية اللي فيها الأدوات والآلات والسيارات والقمح والذرة.. المخازن مليانة ولا أحد يشتري'.
وأضاف عمرو أديب: ' الظاهرة الثانية كبرى الشركات في العالم تستغنى عن العمالة بتاعتها من ١٠٪ حتى ٦٠ ٪.. أنت تتحدث عن أمازون اللي كانت أرباحها مرعبة.. أنت تتحدث عن مايكروسوفت وتويتر وميتا اللي هي فيسبوك'.
وتابع عمرو أديب: ' لازم حضراتكم تفهموا الظاهرتين دول يعني إيه البضاعة مبتتبعش والناس بتمشي العمال.. المشهد في بريطانيا لطلبة جامعات واقفين طابور أمام بنوك الطعام عشان ياخدوا كوبونات وصناديق الأكل.. بنوك الطعام مش ملاحقة عن الناس اللي مش لاقية تاكل ويتحدثون عن نسبة كبيرة أصبحت تأكل في اليوم وجبة واحدة'.
طوابير لطلاب أمام بنوك الطعام البريطانية
وخلال برنامجه، وجه عمرو أديب، نصيحة للمصريين، بعدم الصرف في احتياجات غير ضرورية، قائلا: 'الأيام الجاية صعبة جدا.. نصيحة ماتصرفش في أي حاجة غير ضرورية.. خليك في التيك كير وخد بالك من استهلاكك كله المايه والغاز والكهرباء والعيش'.
وأكمل عمرو أديب: ' انهارده في دولتين جامدين جدا إيطاليا وفرنسا بيتخانقوا على ٢٢٠ مهاجر.. أنا معنديش أنا مقدرش.. جونسون رئيس الوزراء البريطاني السابق لما كان في مصر بيقولوله المناخ قالهم ممعناش فلوس خالص.. سوناك رئيس الوزراء الجديد قالهم أنا مش هدعم أوكرانيا احنا ممعناش فلوس خالص'.
كما تحدث عمرو أديب، عن تناول وسائل الإعلام الغربية أسباب عدم أهمية الاستحمام بصورة يومية، لافتًا إلى أن هذه الوسائل بدأت تتحدث عن أن استخدام 'الدش' بطريقة غريبة من الممكن يؤثر على النظر.
تابعوا آخر أهل مصر على Google News
