توقع الإعلامي عمرو أديب، ارتفاع سعر الدولار الأمريكي مقابل الجنيه المصري، في السوق المحلي، مشيرا إلى أن الأيام الماضية كان هناك صعودا جديدا للدولار أمام الجنيه.
عمرو أديب: الدولار هيزيد
وقال عمرو أديب، خلال تقديم برنامجه 'الحكاية'، المذاع على قناة 'إم بي سي مصر': 'أنا لا أعرف ولا أتنبأ ولكن كرجل ينظر للسوق كل يوم أفهم في السوق والدولار والعملة والذهب ولا أفهم في الاقتصاد اليومين التلاتة اللي فاتوا شايفين صعود جديد للدولار أمام الجنيه كان الأمر توقف إنما انهارده شايفينه بـ ٢٤.٦٠ وده سعر البنوك والمركزي'.
وأضاف عمرو أديب: 'منين بشوف إنه ممكن يتحرك شوية وممكن أبقى غلط اما بشوف السعر الموازي فالسعر الموازي بقى أكثر وابتدينا نشوف سلع أساسية زي الأعلاف ابتدت تزيد بعد ما كانت هديت شوية'.
وتابع عمرو أديب: 'يبدو أن في الأيام القادم سيتحرك سعر الدولار أمام الجنيه قليلا .. كثيرا معرفش.. قد إيه؟ معرفش.. ليه؟ معرفش .. وأحب على قلبي أطلع غلطان'.
وأكمل: 'من الأشياء اللي حدثت الأيام الماضية كان في مبادرات من البنك المركزي بمعني إعطاء الصناعات الصغيرة والزراعة والمشروعات المتوسطة قروض بـ ٥٪ و٨٪.. الأسبوع الماضي طلع علينا المركزي وقال أنا مش هدي قروض تاني.. طب إيه اللي هيحصل؟ مش واضح أوي هو قال إنه هينقل القروض للناس اللي مسئولة عنها يعني قرض الصناعة يقى في الصناعة والإسكان يبقى في الإسكان'.
تحرير سعر الصرف
يذكر أن البنك المركزي أصدر حزمة قرارات استثنائية، نهاية الشهر الماضي، تضمنت رفع سعر الفائدة 2%، وإلغاء الاعتمادات المستندية بشكل كامل في ديسمبر المقبل، وتحديد سعر صرف الجنيه وفق العرض والطلب بنظام صرف مرن. وبادرت بنوك حكومية لرفع الفائدة على شهادتها الادخارية، فيما واصل الدولار صعوده في البنوك في مستهل التعاملات.
تابعوا آخر أهل مصر على Google News
