علق الدكتور جورج عطا الله، عضو مجلس نقابة الصيادلة، وعضو المكتب التنفيذي لاتحاد الصيادلة العرب، على قرار السماح للصيادلة بإعطاء الحقن بضوابط مظلة قانونية مشيرا إلى أنه ينقصه نقطتين.
وقال جورج عطا الله، خلال مداخلة هاتفية لـ برنامج 'الحكاية' تقديم الإعلامي عمرو أديب المذاع على قناة 'إم بي سي مصر': 'القرار الوزاري اللي صدر انهارده يعتبر خطوة أولى وليست كافية لحل هذه المشكلة.. كان حصل وفاة طفلتين في الإسكندرية.. وفي زميلة صيدلانية محبوسة لقالها ما يقرب من شهرين بسبب إني الطب الشرعي طلع قرارات معينة، بيان النائب العام قال الصيادلة مش من حقهم إعطاء الحقن، تقرير هيئة الدواء المصرية قال الصيادلة مش هيعطوا حقن عشان كده نقابة الصيادلة طلعت قرار بعدم إعطاء الحقن بالصيدليات'.
وأضاف الدكتور جورج عطالله: ' قرار وزير الصحة اليوم أعطى مظلة قانونية للصيادلة الراغبين في إعطاء الحقن في صيدلياتهم إنه ياخد دورات تدريبية معينة بحيث يستطيع التعامل مع إعطاء الحقن .. وحالات الحساسية التي تنتج في بعض الحالات'.
وتابع جورج عطا الله: 'القرار الإداري كان ينقصه نقطتين مهمين جدا.. النقطة الأولى لازم يحدد المواد التي يجب تكون موجودة في الصيدلية عشان لو لاقدر الله حصل حاجة'
وأردف: 'النقطة التانية لما بنشتغل في المجال الطبي لازم يغلفه قوانين تحدد الإجرارت دي.. يبقى لازم وزارة الصحة تطلع بيان تقول فيه المواد الفعالة لازم يتعمل اختبار حساسية قبل استخدام هذه الحقن عشان لو معملتش اختبار حساسية أحاسب.. طب افرض مفيش قرار وزاري يبقى متحاسبش'.
تابعوا آخر أهل مصر على Google News
