علق الإعلامي تامر أمين على فوز المنتخب المغربي على نظيره الإسباني في مونديال كأس العالم 2022، قائلًا: 'ونحن نتحدث عن العظمة والفرحة، لازم نفتكر حالنا'.
وخلال تقديمه برنامج 'آخر النهار'، المذاع عبر فضائية النهار، تابع أمين: 'مش عارف نعمل إيه في اتحاد الكرة بتاعنا، وعشان ما أبقاش ظالم أوي، هو مش اتحاد الكرة، لكنها الدائرة التي تأتي فيها نفس الأسماء من عشرين سنة في المشهد الكروي المصري'.
الحلزونة ياما الحلزونة
وواصل: 'افتكروا كده من 20 سنة، مين الأسماء التي انضافت والأسماء التي جاءت من الخارج، وعندها فكر وتخطيط وإدارة وعلم عشان تبقى في اتحاد الكرة، مفيش، هي دائرة مفرغة والحلزونة يامه الحلزونة على رأي عادل إمام، طول الوقت بندور فيها، يمشي جلال علام، ييجي هاني أبوريدة، يمشي أبوريدة، يرجع جلال علام'.
وأردف: 'هذه الدائرة المفرغة بها تباديل وتوافيق إلا عامر حسين، الكل بيمشي ويتبدل زي الكراسي الموسيقية إلا عامر حسين، الوحيد اللي حاجز كرسيه ده لو شاريه مش هيفضل قاعد عليه كده'.
وتساءل أمين: 'هو فيه بلد في الدنيا محدش بيعرف يعمل فيها في المائة مليون جدول مسابقات إلا واحد بس اللي معاه السر، عامر حسين بينظم المسابقات في مصر من قبل الميلاد'.
تابعوا آخر أهل مصر على Google News
