انفعل الإعلامي أحمد موسى، بسبب ارتفاع أسعار السلع وخاصة الأكلات الشعبية مثل الفول والطعية؛ بعدما وصل سعر قرص الطعمية إلى 4 جنيهات، وساندويتش الفول إلى 8 جنيهات.
ارتفاع أسعار السلع
وخلال تقديم برنامجه 'على مسئوليتي' عبر فضائية 'صدى البلد' تابع موسى: «قرص الطعمية اللي كان بجنيه بقى بـ 2 جنيه، وقرص الطعية المحشية بقى رفاهية بعدما وصل سعره إلى 4 جنيه، وساندوتش الفول وصل 8 جنيه؛ إزاي ترفع الأكلة الشعبية وعندنا 140 ألف طن فول في الموانئ؛ ما نفرج عنها، علبة الكشري اللي بـ 10 جنيه وصلت 25 جنيه، طلب الفول على العربية وصل 25 جنيه».
وأكد موسى، أن سعر كيلو البن ارتفع 50 جنيهًا، والكبدة البرازيلي المستوردة وصلت إلى 110 جنيهات أو 120 جنيهًا؛ وهي نماذج لأسعار السلع المرتفعة، كما ارتفعت أسعار العدس بعدما وصل سعر الكيلو منه إلى 50 جنيهًا؛ وهو أغلى من سعر كيلو السمك البلطي.
وشدد موسى على أنه لابُد من تشديد الرقابة على الأسواق، والماركات لمواجهة غلاء الأسعار وتفاوتها، مطالبًا بوجود سعر عادل للسلع من أجل المواطنين البسطاء؛ في ظل تحمل الدولة مئات المليارات دعمًا للفئات الأولى بالرعاية.
تابع موسى: 'أنا يا جماعة مش بتكلم في غير فول وطعمية وكشري، مجبتش سيرة حاجة تاني.. ده في واحد من الناس بيقولي البيضة بـ 3 جنيه، وشخص غيره قالي بـ 3 وربع، وواحد تاني قالي البيضة المسلوقة بـ 8 حنيه'.
وفي وقت سابق انفعل الإعلامي أحمد موسى بسبب الغلاء قائلا: «مفيش واحد من الـ100 مليون مصري مش بيتكلم عن أسعار السلع.. يا جماعة مفيش سلعة سعرها ثابت وكل يوم السلعة سعرها بيزيد.. الواحد يشتري الحاجة من محل وسعرها في المحل اللي جنبه مختلف».
وخلال تقديم برنامجه 'على مسئوليتي' المذاع عبر فضائية 'صدى البلد'، تابع موسى: 'ده مسئولية مين؟.. امتى نضرب بيد من حديد؟.. مفيش دولة عندها الحاجة بتتسعر 10 مرات.. الناس بتحقق ثروات على حساب المواطن، مفيش رقابة ولا إجراءات'.
زيادة الأسعار
وأكمل موسى: 'الناس اللي بترفع الأسعار بتزود على المواطن لأنهم عارفين أن مفيش رقابة.. مش هتلاقوا سلعة واحدة سعرها ثابت وموحد'.
وأردف موسى: 'لابد من التحرك الفوري، كفاية تحذيرات.. لينا شهور بنحذر ومفيش نتيجة، زي ما خدنا إجراءات للأرز نشوف باقي السلع'.
تابعوا آخر أهل مصر على Google News
