أوضحت الإعلامية ياسمين عز، إتيكيت التعامل مع الزوج، قائلة إن الزوج نعمة من الله مثل نعمة الطعام والشراب بل وأفضل من ذلك، مردفة: 'فيه حاجة اسمها إتيكيت التعامل مع الزوج، لأن الراجل نعمة من ربنا زي الأكل والشرب وهو أحسن كمان، هذه النعمة ليها إتيكيت زي ما فيه آداب التعامل مع الطعام فيه آداب للتعامل مع الزوج'.
إتيكيت التعامل مع الزوج
وخلال برنامجها 'كلام الناس' عبر فضائية 'إم بي سي مصر' تابعت عز: 'لو بتتكملي مع صاحبتك أو مامتك وزوجك جه فورا تقفلي علشان الفرعون الكبير وصل.. كده تأسريه لأنه لازم يحس أن دخوله ليه هيبة ووضع، حتى لو هتروحي تقوليله نورت بيتك حمد لله على السلامة، زي ما كنا طلاب والمدرس يدخل الفصل كنا بنقفله، زوجك أحسن من المدرس، اللقطة واللفتة البسيطة دي هتأسريه بيها حتى لو هتطلي من باب المطبخ وترجعي لحلة المحشي، لكن لازم يبان له إن فيه إحساس، ولو مدياله ضهرك لفي وشك على طول وسيبي الحاجة اللي في إيدك'.
ياسمين عز
وفي وقت سابق علقت الإعلامية ياسمين عز، على تتويج ليونيل ميسي بكأس العالم 2022، قائلة: «أنا ربنا نصرني».
وأضافت الإعلامية ياسمين عز، خلال تقديمها برنامج «كلام الناس» المُذاع عبر فضائية «إم بي سي مصر»: «أوعوا تنكروا أنه في اللحظة اللي ميسي شال فيها كأس العالم افتكرتوني وافتكرتوا كلامي عن ميسي وزوجته».
وأشارت: «شوفتوا الاستقرار والجواز بيعمل ايه وبيوصل لفين الكلام ليكي يا جارة»، معقبة: «بيوصل لكأس العالم.. وشوفتوا الست أما تكون في ضهر زوجها وبتدعمه وبتدلعه وبتأخذ بالها منه وبتخليه أحسن حد في الدنيا بيبدع وبيطلع أحسن ما عنده».
أوضحت: «بحس أن مرات ميسي بتدخل عليه بحتتين كيك بالبرتقال وكوباية الشاي وأولادها ريحتهم بودرة أطفال عكس حبيبة رونالدو شاردة بره البيت ٢٤ ساعة”».
وأضافت ياسمين عز: «جورجينا بحسها من النوع اللي 24 ساعة شاردة بره البيت زي الغزال الشارد». وأشارت: «ممكن لو رونالدو قال لجورجينا عاوزين نتعشى مع بعض انهارده ممكن تقوله أنا عندي عرض أزياء»، متابعة: «بتلف 24 ساعة بره البيت».
وتابعت: «زوجة ميسي أنتونيلا روكوزو بحسها حتة نوتيلا عايشه لبيتها وزوجها وأولادها، وتحس أولادها نضاف دائما وشعرهم بيلمع وريحتهم نظافة، وبحس أنها زوجة صالحة، ملهاش في جو الشنط واليخوت ومش شاغلها غير رضا سي ليو جوزها».
تابعوا آخر أهل مصر على Google News
