وجه الرئيس عبدالفتاح السيسي، رسالة إلى المصريين قائلًا: 'والله العظيم أنا صادق معاكم وربنا شاهد عليا، وربنا اللي هيحاسبني ويارب يكون الحساب طيب ويكون ليا أجر عن اللي بنعمله'، مضيفًا: 'قولتوا إن مصر في رقابتك.. وأنا والله أمين عليها'.
وأضاف السيسي، خلال افتتاح مجمع مصانع الكيماويات في أبو رواش، والمذاع عبر فضائية 'اكسترا نيوز'، اليوم الإثنين، قائلًا: مش هينفع نمشي بالطريقة دي لازم يكون في أوعية موجودة، وهى بتتعمل صعبة شوية، مهو الكلام ده بيتاخد من نصيب وزارة المالية، الفلوس عندهم تخش تخرج على طول مفيش أمل لازم تخلص، بس لما تكون في الصندوق أمر مختلف، قولت للدكتور مصطفى زي ما عملت فيك سبني اعمل بقا'.
وتابع، 'يبقا نعمل صندوق لقناة السويس ولا لاء.. وبالمناسبة الصناديق دي كلها محدش يقدر يصرف جنيه غير لما يقولي، وانتم متعرفونيش أنا في الفلوس عامل إزاي'.
وافتتح الرئيس عبدالفتاح السيسي صباح اليوم مصنعي لإنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.
وتساهم مجمع الصناعات الكيميائية المتوسطة بأبو رواش، فى تغطية احتياجات السوق المحلى من الأكسجين الطبى اللازم للمستشفيات والمراكز الطبية ودعم العديد من المشروعات الإنتاجية كذلك الاستخدامات الصناعية بشركات المنتجات البترولية وصناعة الورق والمنسوجات وعدد من الصناعات الغذائية والدوائية، وقد تم تنفيذ تلك المشروعات بالتعاون مع العديد من الشركات المدنية.
تابعوا آخر أهل مصر على Google News
