اعلان
اعلان

أحمد موسى: «الاتحاد السعودي بيفاوض ميسي وممكن يلعب جنب طارق حامد»

أحمد موسى
أحمد موسى

وجه الإعلامي أحمد موسى، التهنئة لمتابعيه وجميع المصريين، بمناسبة حلول عام 2023، قائلًا: 'بعد كام ساعة هنودع 2022 ونستقبل عام 2023، أفضل استقبال عشان تكون سنة كويسة لينا وعلينا وعلى اللي كل اللي بيحبوا بلادنا بجد واللي عايزين البلد باذن الله تنهض'.

وأضاف 'موسى'، مقدم برنامج 'على مسئوليتي'، المذاع عبر فضائية 'صدى البلد'، في فيديو منشور عبر حسابه الرسمي بموقع التواصل الاجتماعي 'فيسبوك'، قائلًا: 'يارب 2023 تكون أحسن سنة، لأن سنة 2022 كانت سنة صعبة فيها ارتفاع أسعار وغلاء وحاجات كتيرة والدوري ضاع على الأهلي، ورونالدو راح النصر السعودي، اللي تعتبر مفاجأة وخبر نهاية العام'.

وتساءل: 'تفتكروا ليونيل ميسي نجم فريق باريس سان جيرمان ممكن يروح الاتحاد السعودي؟!'، مضيفًا: 'أنا مش بهزر في مفاوضات مع ميسي عشان ينتقل الاتحاد السعودي ويلعب جنب طارق حامد.. تفتكروا دا ممكن يحصل'.

انضمام رونالدو للنصر وتطوير الرياضة السعودية

وأكمل: 'اللي عملته السعودية وضمت واحد من أفضل لاعبي  العالم في الدوري السعودي، وإجراء مفاوضات مع ميسي، وفي لاعب تقيل متوقع انضمامه للهلال السعودي، هتشوفوا كمان دا هيعمل نقلة كبيرة للدوري السعودي وهيرفع حجم المتابعة والمشاهدة، واللي بيحصل جزء هام لتطوير السياحة الرياضية'.

كريستيانو رونالدو

واستطرد: 'كل سنة وحضرتكم طيبين ويارب تكون سنة جميلة علينا كلنا وعلى بلادنا وعلى كل الناس، بس السنة اللي فاتت كانت صعبة، لكن مرت الحمد لله وكلها ساعات نستقبل العام الجديد، وان شاء الله يكون فيه اخبار كويسة وتكون الاخبار إيجابية عن اللي مرينا بيه السنة اللي فاتت شوفنا معاناة الناس، أدعوا أن 2023 تكون احسن وافضل بكتير من السنة اللى عدت علينا واللي خلصت'.

تفاصيل صفقة رونالدو مع النصر السعودي

وأعلن نادي النصر السعودي رسميًا، ضم النجم البرتغالي كريستيانو رونالدو، في صفقة تاريخية تم إبرامها في العاصمة الإسبانية مدريد، بعقد يمتد حتى عام 2025.

وسيرتدي نجم كرة القدم العالمية وصاحب الـ5 كرات ذهبية الرقم 7 مع النصر السعودي، حيث أن مراسم توقيع العقد تمت في العاصمة الإسبانية مدريد.

وقال كريستيانو رونالدو في أول تصريحاته بعد التوقيع للنصر السعودي:' إنني متشوق لتجربة دوري كرة قدم جديد في دولة مختلفة، الرؤية التي يعمل بها نادي النصر ملهمة جدًا، وأنا متحمس للانضمام لزملائي بالفريق، لنقوم سويصا بمساعدة الفريق لتحقيق المزيد من النجاحات'.

WhatsApp
Telegram