ظهرت الإعلامية ياسمين عز بنيولوك جديد ارتدت خلاله ملابس 'تايجر'، قائلة: 'أنا من سنة مكنتش بعرف أحشي المحشي، لكن حاليا بقيت أعرف أعمل بطة بالبرتقال'.
وخلال تقديم برنامجها 'كلام الناس' عبر فضائية 'إم بي سي مصر'، تابعت عز: 'في يوم من الأيام مكنتش عارفة قيمة الفرعون، لكن دلوقتي بقيت ناعمة وفاعمة وعارفة قيمة الراجل، لأن طبيعي لازم نتعلم'.
وواصلت عز: 'نكمل بقى دروس تفخيم الزوج.. طبعا الراجل هو اللي بينور الست.. وصاحب المقولة دي كان قاصد بيها الراجل المنوفي يا بختها اللي تتجوز واحد منوفي.. الراجل المنوفي كريم جدا، ومش بعيد بطلع اللقمة من بقه ويديهالك'.
ردت ياسمين عز على منتقدي نبرة صوتها الهادئة، فقالت: أنا صوتي خامته شتوية، ودا بيكون ناعم ودافي وسهتان ونعسان شوية، لكن الصوت الصيفي بيكون عالي حاد ومزهزه شوية ومش بيفصل وخامة صوتي الشتوي دون تحيز أحلى، لأنك أول ما تتخطبي أو ترتبطي بتحولي صوتك عشان يبقى شبهي وبعد الجواز بيرجع صوتك الصيفي العالي تاني.
وتابعت ياسمين عز: لكن الراجل ربنا خلقه صوته حاد وجذاب وبيكون كروان بيغرد في البيت.
ووجهت ياسمين عز عدة نصائح للسيدات، فقالت: كوني مع الناس جعفر وجوزك وخطيبك أنعم من يكون، وإخنفي وانتي وبتتكلمي وادلعي وكل ما تخنفي أكتر كل ما هيقرب ليكي أكتر، اللسان الطيب يكسب لا مال ولا جمال بينفع، طلعيله الصوت الحنين وأوعي تكوني ناشفة وخلي صوتك شتوي.
واختتمت: مبحبش الستات اللي بتقتدي بالست اللي بعد ما اتطلقت من الراجل تاني يوم تكون عايشة حياتها، مبحبش النوع ده عيطي واحزني واندبي وابكي واظهري بعد سنة حتى المهم تكوني تعافيتي، لكن تطلقي وتاني يوم تخرجي مع صحباتك أول تظهري نفسك إنه مش هامك هتخسري حاجة، جوزك التاني لو شافك عملتي كدة مع الأولاني هيكون قلقان منك.
تابعوا آخر أهل مصر على Google News
