وجه الرئيس عبد الفتاح السيسي، التحية إلى مجموعة من أسر الشهداء، بالوقوف لتحية مجموعة من أمهات الشهداء، خلال فعاليات الندوة التثقيفية السابعة والثلاثين للقوات المسلحة المصرية بمناسبة يوم الشهيد.
أكد الرئيس السيسي، أن شهداء الوطن دفعوا ثمن لا يعوض من أجل الوطن، مخاطبا أمهات شهداء أسر الشهداء: 'دا فخر لينا كلنا، والتمن اللي دفعوه ابنائنا على مدار 8 سنوات الحمد لله له أثر'.
لترد عليه والدة احد الشهداء: 'أنا عندي عندي 2 شهداء وانا مستعدة للشهادة ولادي طلبوا الشهادة وربنا حقق لهم الشهادة دفاعا عن الوطن عشان الشعب المصري يعيش في امان واستقرار، وأنتم سند لينا بعد الله ياريس'.
وأكمل السيسي قائلًا: 'من ساعت ما الابطال استشهدوا الدنيا مكنتش باينة وكان كل الناس خايفة وكل شوية نصحى على عمل إرهابي كبير بتحصل ودماء بتنزف وأرواح بتروح عند ربنا، وافكركم دلوقتي ان التمن اللي دفعوه أبنائنا احنا مش هنقدر نعوضكم اللي هيعوض عليه ربنا.. ربنا هو اللي هيعوض أسر الشهداء'.
حديث السيسي وأسر الشهداء
وردت والدة أحد الشهداء: 'الحمد لله أننا في بلدنا ولم ننزح لمكان تاني، والأكل والشرب بردو متوفر، مصر بخير دايما ذكرت في القرآن'، ليرد الرئيس السيسي: 'والأكل والشرب بردو موجود'.وتابع: 'مش بس الجيش مبينساش الأبطال.. كل المصريين مش بينسوا، مش هننسى أي شهيد أو مصاب قدم حتة من جسمه عشان خاطر البلد، إحنا بفضل الله تعالى وبفضل ابناءنا وشهدائنا حققنا حلم القضاء على الأرهاب، لازم نخلي بالنا من البلد والخراب اللي مصر كانت ممكن تشوفه ميتكررش تاني'.
ووصل، الرئيس عبد الفتاح السيسي، لحضور وقائع الندوة التثقيفية السابعة والثلاثين للقوات المسلحة المصرية بمناسبة يوم الشهيد.
تابعوا آخر أهل مصر على Google News
