كشفت الإعلامية ياسمين عز، عن موقف برنامجها خلال شهر رمضان الكريم من التوقف، خاصة في ضوء توقف عدد من البرامج المختلفة خلال الشهر الكريم، بسبب عرض المسلسلات الرمضانية.
وخلال تصريحات من خلال برنامجها 'كلام الناس' المذاع عبر فضائية 'إم بي سي مصر'، قالت عز، إن برنامجها سيواصل بثه بشكل طبيعي خلال شهر رمضان الكريم، ولن يتم إيقافه مثلما تردد على لسان البعض، مضيفة: 'الناس كانت فاكرة أني بقدم برنامج مقالب، والبرنامج هيقف خلال شهر رمضان، ولكن ده مش هيحصل يا مدام، ده مش مقلب، والبرنامج مكمل بشكل طبيعي في رمضان'.
وتابعت عز: 'ياسمينتك مكملة معاكي في رمضان يا ست الكل، قاعدة على قلبك ومش هسيبك، يعني عاوزة رمضان يكمل من غيري ازاي طيب، أنا مكملة معاكي، وهظهر في شهر رمضان بشكل طبيعي، ومش هنوقف البرنامج، وإن شاء الله إحنا مكملين في شهر رمضان الجاي، وهنطلع على الشاشة بشكل طبيعي، وموجودة وقاعدة معاكي يا ست الكل'.
واختتمت: 'الزوج المصري لا يعرف الخيانة، ودائما زوج وفي لزوجته، ويجب على أي سيدة متزوجة من زوج مصري أن تذكر الله حتى لا تُحسد، لأن الفرعون المصري لا يوجد مثله كثير في العالم'.
تابعوا آخر أهل مصر على Google News
