وجهت الإعلامية ياسمين عز، نصائح للسيدات قبل شهر رمضان قائلة: "زي ما هتعزمي أهلك لازم تعزمي أهل جوزك فرعونك.. ومينفعش تعملي لأهلك رقاق وتعملي لأهل جوزك جلاش.. ولو عملتي لأمك فرخة اعملي لحماتك بطة".
وخلال تقديم برنامجها "كلام الناس" عبر فضائية "إم بي سي مصر" تابعت عز: "ياريت نقلل من الفطار والسحور بره البيت لأنها مصاريف على الفاضي.. وفرعونك أولى الفلوس في الظروف دي.. مش لازم تنزلي تطلبي 20 سندوتش وهو يدفع".
وواصلت عز: "الأحسن تقعدي تفطري في البيت مع جوزك.. مش لازم تخرجي في رمضان.. وبعدين تخرجي تروحي فين وأنتِ عندك فرعونك في البيت.. هو المنتزة أصلًا.. عندنا في الدنيا نعمتين هم: الراجل والنعمة الثانية الأكل والشرب".
واختتمت عز: "شهر رمضان طويل 30 يوم وعايزين نعديه بسلام.. وأما تكوني معزومة عند حماتك بتروحي قبل الفطار بـ 5 دقايق.. وتقولي ليها أساعدك في حاجة يا حماتي؟.. تساعديها في إيه؟.. ما هي عملت كل حاجة من بدري.. وعند مامتك تروحي عندها من الفجر".
تابعوا آخر أهل مصر على Google News
