حلمي بكر: غناء حمو بيكا وشاكوش عشوائي ومش موافق عليهم

عقب الموسيقار حلمي بكر، على أداء المطرب حجازي متقال، والفنانين الشعبيين حمو بيكا وحسن شاكوش.

وقال 'بكر'، في تصريحات تلفزيونية: 'حجازي متقال راح باريس وقلب الدنيا؛ لأن صوته حس فقط قريب لقلب الفلاح، لكن بيكا وشاكوش غناء عشوائي، وأنا مش موافق عليهم رغم شعبيتهم'.

وأوضح أن معرفة الشعوب تُعلم من خلال أغنياتهم، وأنا لا أحصي أغاني لأني (لو عديتهم هبقى تافه)، متابعًا: 'أغنية على اللي جرا بقالها 50 سنة أكتر ناس بتسمعها في شمال إفريقيا، وفي ناس كان بيني وبينهم خلافات وفي مرضي سألوا عليا وأولهم لطيفة'.

تفاصيل الأزمة الصحية لـ حلمي بكر

وأضاف: 'بعد مرضي زعلت من ناس كتير، على رأسهم وزارة الثقافة والقصور وقلت لهم رجعوا الموسيقى في التجمعات دي'، متابعًا: 'أسر عربية وحكام طلبوا أن يقوموا بعلاجي وعلى رأسهم فهد بن بدر بن عبد العزيز، وكلمني قالي كيفك.. وعمل واجب معايا، وبقول لمصطفى كامل بحييك لوقفتك معايا في أزمتي'.

واستطرد حلمي بكر: 'لحن أغنية كلام الناس لجورج وسوف هو نفس لازمة أغنية على اللي جرا من مراسيك، أخذها صلاح الشرنوبي، وجه بعدها يقول لي إحنا ولادك يا أستاذ، بقالي 62 سنة في مجال الفن ومحدش قعد في المجال زيي، وكل جائزة دولة تقديرية اتشال منها على آخر لحظة'.