أيمن بهجت قمر: عشت لوحدي من وأنا عندي 16 سنة.. وعمري ما أنسى اللي الفنانة شريهان عملته معايا

قال السيناريست أيمن بهجت قمر، إن الفنانة شريهان راعت وصية والده واهتمت به، مشيرا إلى أنه قرر العيش وحيدا عندما بلغ من العمر 16 عاما، متابعا: «كان قرار صعب، لأنني اضطريت أن اشتغل وأصرف على نفسي، وأصبحت أعمل إعلانات وأي شيء وأغاني هابطة»

وخلال استضافته ببرنامج «أنا والقناع»، المذاع على قناة الحياة، وتقدمه الإعلامية عبدالوهاب، تابع بهجت قمر: «كانت بتبعت تاخدني أجيب هدوم، وتبعت ناس يبيضوا الشقة ووتبعت فلوس، ويكفي السؤال عليا والاهتمام».

وأكمل: «اتخانقت مرة مع زوجة خالي، وقعدت ليلة في قسم الدقي، وأول حاجة عملتها إني كلمت صاحبي من الشباك، وقلتله كلم شريهان، وكانت أخت وسند ليا، ومن أجدع وأوفى الناس، وأنا مسميها (شريهان جدا)، وعمري ما أنسى اللي عملته معايا».