رضوى الشربيني: أنا متوجعتش لما مسكت قسيمة طلاقي (فيديو)

أوضحت الإعلامية رضوى الشربيني أن الجمهور أخذ عنها صورة المرأة الحديدية، بسبب تصريحاتها عن الرجال في برنامجها التليفزيوني، ودعمها المستمر للمرأة.

رضوى الشربيني: الحياة بعد وفاة أمي اختلفت كتير

وقالت رضوى الشربيني، خلال استضافتها في برنامج 'أنا والقناع'، الذي تقدمه الإعلامية منى عبد الوهاب عبر 'قناة الحياة': 'الحياة بعد وفاة أمي اختلفت كتير وبقيت بعيط قوي، والناس واخده عني صورة المرأة الحديدية اللي من غير مشاعر ولا شعور وده عكس شخصيتي'.

وأضافت رضوى الشربيني، أنها لم تشعر بالوجع عندما أمسكت ورقة طلاقها بيدها، مؤكدة أن رصيدها في بنوك الوجع أكثر بكثير من قسيمة الطلاق، موضحة: 'اكتشفت نفسي ولقيت إني إنسان مش قابل يعيش العيشة دي، ورصيدي في بنوك الوجع أكثر بكثير من قسيمة طلاق، ومقدرش أعد الأوجاع دي'.

وتابعت: 'قسيمة الطلاق مش وجع، إنما اللي بتمري بيه في طريقك عشان يوصلك للطلاق هو اللي بيكون وجع، والقسيمة دي بتبقى النتيجة، وانا متوجعتش لما مسكت قسيمة طلاقي في ايدي، ومش في كل الأوقات كلمة إنتي طالق بتوجع، خصوصاً اذا كان عندك قناعة إن الكلمة دي هي دواء مش وجعك'.