رضوى الشربيني تبكي على الهواء: ماما أخدت عدوى كورونا مني وتوفت

كشفت الإعلامية رضوى الشربيني، تفاصل أصعب لحظات مرت عليها في حياتها.

وخلال حوارها ببرنامج «أنا والقناع» المذاع عبر فضائية «الحياة»، تقديم الإعلامية مني عبدالوهاب، قالت الشربيني إن يوم وفاة والدتها من أصعب الأيام التي مرت عليها ودخلت في حالة من البكاء.

وتابعت: «صحيت من النوم في التوقيت اللي كان هناك بلاد قفلت فيه بسبب الجائحة، وأنا كنت أول واحدة أصيبت بكورونا وماما أخدت العدوي مني، وعزلت نفسي والبيت كله طلع سلبي واتطمنت شوية، وسمعت بنتي الكبيرة بتكح، كلمت صحبتي أني لازم أطلعهم من البيت».

وأكملت الشربيني باكية: «سمعت صوت ماما بتكح وكلمت حد من وزارة الصحة وبالفعل جاء أفراد من الوزارة وعملوا الإختبار وطلع البيت كله إيجابي، واليوم دا قررت أنه حتي التعب مينفعش أحس بيه، لأن مفيش حد يمرض كل دول».

واستكملت: «بعد 24 ساعة بنشوف الأكسجين بتاع ماما لقيناه قليل، وقلبت الدنيا عقبال ما لقيت لها مكان في المستشفي وطلبنا الإسعاف ووديناها المستشفي أنا وأخويا، وعمري ما هنسي الكلمة اللي قالتها لي وقتها، قالت لي لو هتدخليني المستشفي أنا هموت هنا».