رضوى الشربيني: أنا ست بشتغل وبحترم نفسي.. ومفيش راجل يقدر يكسر عيني

وجهت الإعلامية منى عبدالوهاب سؤال للإعلامية رضوى الشربيني: "فيه ناس كتيرة تعتقد، أن رضوى الشربيني عشان تنجح، فهي لها زيجات في السر كثيرة منها أثرياء عرب، ورجال أعمال مصريين"، لترد رضوى الشربيني: "هذا الكلام وصلني 600 مرة، ومهزنيش ومفرقش معايا عشان أنا معملتش حاجة في يوم من الأيام تكسر عيني، ومفيش راجل يقدر يكسر عيني، ومفيش راجل يقدر يطلع يقول أنا إديت رضوى الشربيني مليم مش جنيه".

وخلال لقاءها ببرنامج “أنا والقناع” المذاع عبر فضائية الحياة، الذي تقدمه الإعلامية منى عبدالوهاب، تابعت: "أنا ست بشتغل وبحترم نفسي جدًا ، ولو فكرت في يوم من الأيام إني أتزوح، فأنا هتزوج عشان بحب، مش عشان أنا عايزة راجل يصرف عليا".

وأشارت إلى أنه هناك اعتقاد سائد بأن الستات لم تنجح لازم يكون فيه راجل "بيصرف"، معقبة: "بقعد أسمع الحكايات دي وأضحك وأقول طب مين؟ طب هاتولي اسمه؟!".