جابر القرموطي يروي تفاصيل أصعب لحظات حياته.. والإعلامية منى عبدالوهاب تبكي على الهواء

انهارت منى عبدالوهاب بالبكاء، أثناء حديث جابر القرموطي، عن أصعب لحظات مرت عليه في حياته، حيث قال: 'إننا نخطيء ونذهب ونأتي، ونتعاف ونقع ونقوم، لن بتوصل للحظة تقول فيها، يارب أنا تعبت بقى، أعمل إيه؟!'.

وخلال لقائه ببرنامج 'أنا والقناع' المذاع عبر فضائية الحياة، أكد القرموطي أن الله سبحانه وتعالى كان السند والمدد في هذا الوقت، معقبًا: 'مرة كنت بأكل قطط في الشارع، ورايح أركب مترو الأنفاق بتاع حدائق الزيتون، وشايل شنطة على كتفي، ولابس كاب وماسك، في الوقت ده كنت بقول يارب، أنا عايز أرجع الشغل وعايز أرجع مانشيت حتى لو حلقة واحدة في الأسبوع'.

وتابع القرموطي: 'وأنا ماشي في الشارع، وفي عز النظر لفوق كده، لقيت أحمد فايد بيكلمني، قالي إزيك، قولتله الحمد لله، قالي مش عايز ترجع، قولتله خير، قال ما تيجي نتقابل بكرة، قولتله بكرة؟ قالي آه بكره، قابلته وقابلت ناس تانية وتالتة ورابعة، واشتغلت، أنا أول مرة أطلع وأتفاوض، وأسأل أنا هرجع بإيه؟، بقالي أربع سنين سايب البرنامج، وقعدت مع ناس وكان منهم الأستاذ أحمد الطاهري إللي قالهم يا جماعة الراجل ده له فضل علينا كلنا، وسألني إنت هتقدم إيه، فقولتله فقرة كذا، قالي إيه رأيك تقدم مانشيت، ودي كانت أعظم لحظة مهنية في حياتي'.

وأردف: 'أنا مدفعتش تمن حاجة، وكان عندي ناس بتقدر، وطبطبة ربنا عشان أحس بيها كان لازم أقع شوية'.